Kategori Zgjidhja e problemeve
Shiko në gjuhë të tjera

Si të ndërroj llogarinë time në Instagram në një llogari Krijuesi/Biznesi

Për të lidhur llogaritë e Instagramit me aplikacione të palëve të treta si Publer, duhet të siguroheni që ato janë llogari profesionale, pra llogari Krijuesi ose Biznesi, dhe që janë të lidhura me një Faqe Facebook-u që ju administroni.


Për ta ndryshuar llogarinë tuaj të Instagramit në një llogari profesionale:


  • Shkoni te profili juaj i Instagramit në versionin web të Instagramit, nga çdo shfletues.
  • Klikoni mbi Profili në anën e majtë të ekranit dhe zgjidhni ikonën Cilësimet.



  • Shkoni te Cilësimet dhe privatësia.



  • Zbritni poshtë dhe klikoni mbi Lloji i llogarisë dhe mjetet.
  • Aty, klikoni mbi Kalo në llogari profesionale.



  • Zgjidhni Biznes ose Krijues dhe më pas klikoni Tjetër për të vazhduar.



Vetëm llogaritë Profesionale, pra llogaritë e Biznesit dhe të Krijuesit, mbështeten aktualisht nga API e Instagramit, jo llogaritë Personale. Prandaj, nuk është e mundur të përdoren llogaritë Personale me aplikacione të palëve të treta si Publer.


  • Specifikoni kategorinë tuaj.



  • Pasi të shtoni informacionin tuaj sipas rastit, klikoni U krye.


Pasi të keni kaluar në një llogari Biznesi/Krijuesi, duhet ta lidhni atë me Faqen tuaj të biznesit në Facebook nga kompjuteri juaj duke shkuar këtu, ose nga telefoni juaj celular siç tregohet më poshtë.


Për të lidhur llogarinë tuaj profesionale të Instagramit me Faqen tuaj të biznesit në Facebook:


Metoda 1:


  1. Shkoni te profili juaj i Instagramit në aplikacionin tuaj mobil dhe klikoni mbi Modifiko profilin.
  2. Nën Informacioni publik ose Informacioni publik i biznesit, zgjidhni Faqja.
  3. Zgjidhni Faqen që dëshironi të lidhni, ose Krijoni një Faqe të re Facebook-u.



Mbani parasysh se duhet të jeni administrator i kësaj Faqeje para se ta lidhni me të. Kontrolloni cilësimet e Faqes për t’u siguruar që keni të gjitha lejet e nevojshme.


Metoda 2:


  1. Shkoni te Faqja juaj e Facebook-ut në Facebook.
  2. Në anën e majtë, nën Menaxho Faqen, klikoni mbi Cilësimet.
  3. Te cilësimet e Faqes, klikoni mbi Llogaritë e lidhura.
  4. Zgjidhni Instagramin nga opsionet në të majtë dhe më pas klikoni mbi butonin Lidh llogarinë.


Për më shumë informacion se si të lidhni një Faqe Facebook-u me një llogari Instagrami, shkoni këtu.


Shënim: Tani që keni një llogari Biznesi/Krijuesi në Instagram, e cila është e lidhur me një Faqe Facebook-u, mund ta lidhni atë me Publer duke ndjekur hapat e treguar këtu. Nëse nuk arrini ta shihni llogarinë e Instagramit pasi keni ndjekur hapat siç janë përcaktuar më sipër, ju lutemi hidhini një sy artikullit këtu për të provuar ta shtoni llogarinë.



Shkruar nga: Brikena Cani

Përditësuar: 10/07/2026

A ishte ky artikull i dobishëm?

Ndaj mendimin tënd

Anulo

Faleminderit!