Çfarë është Autentifikimi me Dy Faktorë?

Autentifikimi me Dy Faktorë (2FA) shton një shtresë shtesë sigurie në llogarinë tuaj duke kërkuar dy metoda të ndryshme autentifikimi për të verifikuar identitetin tuaj. Kjo parandalon aksesin e paautorizuar në llogarinë tuaj, edhe nëse dikush e di fjalëkalimin tuaj.

Çfarë ndodh kur hyni pasi të keni aktivizuar Autentifikimin me Dy Faktorë?

Mbani parasysh se mund të zgjidhni ta aktivizoni vetë 2FA, megjithatë, pronari i një hapësire tjetër pune ku bëni pjesë mund ta bëjë gjithashtu 2FA të detyrueshëm për të gjithë anëtarët. Nëse e bën këtë, atëherë do t’ju kërkohet ta konfiguroni 2FA në momentin që hyni në Publer. Për të konfiguruar 2FA, ndiqni hapat këtu.

Herën tjetër që hyni në Publer, pasi ta keni konfiguruar tashmë 2FA:

• Do t’ju kërkohet të vendosni kodin 6-shifror të autentifikimit për të hyrë në mënyrë të sigurt.
• Nga ana tjetër, nëse e keni ruajtur këtë pajisje, do të mund të hyni lirshëm pa pasur nevojë të shtoni një kod të ri sa herë që hyni.
• Nëse dëshironi që Publer ta mbajë mend/ruajë pajisjen tuaj, thjesht zgjidhni opsionin Mos më pyet përsëri në këtë pajisje.

Çfarë janë kodet rezervë?

Kodet rezervë ofrohen si një opsion zëvendësues në rast se nuk mund të merrni një kod verifikimi. Këto kode mund të përdoren për të fituar akses në llogarinë tuaj kur hasni probleme me procesin e zakonshëm të verifikimit.

Nëse i keni përdorur të gjitha kodet rezervë, mund të gjeneroni të reja duke vendosur kodin e verifikimit nga aplikacioni juaj i autentifikimit.

Për të gjeneruar kode të reja rezervë:

• Shkoni te Cilësimet dhe kaloni te skeda Aksesi dhe hyrja.
• Te Kodet rezervë, klikoni Gjenero kode të reja rezervë.

• Vendosni kodin e verifikimit nga aplikacioni juaj i autentifikimit.
• Klikoni te Verifiko.

Çfarë janë pajisjet e ruajtura?

Pajisjet e ruajtura i referohen një liste pajisjesh ku keni hyrë më parë dhe për të cilat sistemi nuk kërkon më një kod verifikimi. Këto janë pajisje që janë autentifikuar më parë dhe konsiderohen të besuara nga sistemi.

Për të menaxhuar pajisjet tuaja të ruajtura:

• Shkoni te Cilësimet dhe kaloni te skeda Aksesi dhe hyrja.
• Te Pajisjet tuaja, klikoni Menaxhoni pajisjet tuaja.

• Nëse dëshironi të hiqni një pajisje, mund ta bëni këtë duke klikuar Hiq pajisjen.

Shkruar nga: Brikena Cani

Përditësuar: 23/06/2026