Shiko në gjuhë të tjera

Përse statistikat në Publer janë të ndryshme nga ato të rrjeteve sociale?

Mbani parasysh se ndonjëherë statistikat mund të jenë paksa të ndryshme në platformën tonë krahasuar me rrjetet sociale. Ja pse:

X/Twitter

Ja pse numrat mund të jenë të ndryshëm në X/Twitter krahasuar me Publer:

Platforma Twitter ju tregon statistikat për një datë të caktuar, pavarësisht nëse ka pasur apo jo postime të publikuara atë ditë.
Për shembull, le të supozojmë se një postim u publikua më 10 dhjetor, por mori ndërveprime dhe klikime vetëm sot, më 20 dhjetor.
Ndërveprimet dhe klikimet nga sot, 20 dhjetor, do të llogariten përsëri në statistikat e sotme në platformën Twitter.

Për shkak të kufizimeve të API-t, Publer tregon statistikat bazuar në datat kur janë publikuar postimet në X/Twitter, kështu që kjo do të llogaritet si statistikë për 10 dhjetorin.

Ndërkohë, për analizat e Publer:

Një postim në X/Twitter mund të jetë publikuar më 10 dhjetor, por mund të ketë marrë ndërveprime dhe klikime vetëm sot, më 20 dhjetor.
Ndërveprimet dhe klikimet nga sot, 20 dhjetor, do të llogariten në statistikat e 10 dhjetorit, pra në datën kur u publikua postimi.
Twitter dhe shumica e rrjeteve sociale nuk na japin të njëjtat metrika që ato shfaqin në platformat e tyre, prandaj ndodh ky ndryshim.

Facebook, Instagram dhe Pinterest janë të vetmet rrjete sociale që na japin një pasqyrë të përshtypjeve bazuar në datat aktuale.

Gjithashtu, kur ndani një Thread në X/Twitter, ne mund të marrim të dhëna vetëm për postimin e parë. Për këtë arsye, postimet e tjera të Thread-it nuk do të përfshihen në analizat tuaja.

Instagram

Njësoj si X/Twitter:

Për metrikat e Ndërveprimeve të Postimeve dhe Shikimeve të Videove, vlen e njëjta logjikë si me Twitter.
Publer do të tregojë statistikat për ditën kur u publikua postimi, ngjashëm me shembullin më sipër.
Prandaj, nëse postimi u publikua më 10 dhjetor, por metrikat ndryshojnë më 20 dhjetor, ato do të llogariten për datën 10 dhjetor, pra datën kur u publikua postimi.

Facebook

Statistikat e Facebook, si Shtrirja, Ndërveprimet, Klikimet në Link dhe Shikimet e Videove, ndahen drejtpërdrejt nga rrjeti social. Kjo do të thotë se do të mund të shihni të njëjtat statistika të sakta si ato që shfaqen në rrjetin social.

Megjithatë, ja pse numrat mund të jenë të ndryshëm në Facebook krahasuar me Publer:

Informacioni në Pasqyrën e Analizave vjen drejtpërdrejt nga API i Facebook. Këto vlera tregojnë sa njerëz kanë parë postimet tuaja për një datë të caktuar, pavarësisht se kur janë publikuar ato postime.

Mbledhja e Statistikave të Postimeve mund të mos ju japë rezultatin që prisni, sepse postimet e vjetra që nuk shfaqen në pamjen aktuale mund të ndikojnë në shtrirjen ditore në Facebook. Ne i shfaqim gjithmonë të dhënat pikërisht siç raportohen nga API i Facebook, pa asnjë ndryshim.

Për shembull:

Nëse një postim i vitit të kaluar bëhet viral sot, API i Facebook do të raportojë një shtrirje të lartë për sot, për shembull 10 mijë shikime, edhe nëse asnjë nga postimet e sotme nuk ka pasur atë shtrirje. Rritja ndodh sepse postimi i vjetër është bërë viral.

Në skedën Statistikat e Postimeve, ne shfaqim shtrirjen totale që ka marrë çdo postim. Në skedën Pasqyra, ne shfaqim shtrirjen e të gjitha postimeve për një periudhë të caktuar, e cila mund të mos përputhet gjithmonë.

Njësoj si X/Twitter:

Për metrikat e Ndërveprimeve të Postimeve dhe Shikimeve të Videove, vlen e njëjta logjikë si me Twitter.
Publer do të tregojë statistikat për ditën kur u publikua postimi, ngjashëm me shembullin më sipër.
Prandaj, nëse postimi u publikua më 10 dhjetor, por metrikat ndryshojnë më 20 dhjetor, ato do të llogariten për datën 10 dhjetor, pra datën kur u publikua postimi.

Threads

Para 25 korrikut 2024, ne nuk mblidhnim analiza për Threads përmes API-t, pasi Threads nuk kishte një API të disponueshme.

Shembull: Rritja e ndjekësve para 25 korrikut 2024 nuk u monitorua, kështu që të gjithë ndjekësit para kësaj date llogariten si ndjekës "të rinj".

Dallime të ngjashme në statistika mund të ndodhin edhe për platforma të tjera sociale.

Kur një llogari ka nevojë për riautorizim, ne nuk mbledhim statistika:

Për shembull, nëse një llogari Instagram kishte nevojë për riautorizim gjatë javës së fundit të shtatorit, por tani është riautorizuar, ne nuk jemi në gjendje të mbledhim statistika për atë javë të caktuar.

Si rezultat, mund të shihni dallime në të dhënat tuaja për atë periudhë, si kolona që mungojnë në Pasqyrë ose totale më të ulëta. Por, sapo llogaria të riautorizohet, mbledhja e të dhënave fillon përsëri dhe metrikat për javët e ardhshme do të mblidhen saktë.

Mund të gjeni një pamje të detajuar të të gjitha Statistikave të Postimeve në fund të faqes së Pasqyrës së Analizave ose në skedën Statistikat e Postimeve. Disa metrika mund të ndryshojnë midis skedës Pasqyra dhe skedës Statistikat e Postimeve. Mësoni më shumë për të gjitha metrikat që mbledhim këtu.

Statistikat e postimeve janë të disponueshme vetëm nga momenti kur kaloni në planin Business. Rrjetet sociale nuk ofrojnë statistika të mëparshme.

Kur lidhni një llogari sociale, Publer do të sinkronizojë postimet deri në një muaj më parë. Megjithatë, statistikat demografike janë të disponueshme vetëm për postimet e krijuara pas lidhjes së llogarisë, ndërkohë që jeni në planin Business.

Shkruar nga: Brikena Cani

Përditësuar: 29/06/2026

A ishte ky artikull i dobishëm?

Faleminderit!