Grupet në Facebook

Për fat të keq, që nga momenti kur Meta hoqi aksesin në API për Grupet e Facebook, nuk mund të publikosh më drejtpërdrejt përmes Publer, gjë që sjell disa kufizime krahasuar me rrjetet e tjera sociale.

Megjithatë, kemi një zgjidhje alternative: Mund të ndash postimet në Grupet e Facebook përmes njoftimeve, duke përdorur aplikacionin e Publer.

Pasi të kesh lidhur Grupin e Facebook me Publer, mund të krijosh, planifikosh dhe publikosh postimet përmes njoftimeve nga telefoni.

Postimi në Grupet e Facebook

1. Për të planifikuar dhe postuar në Grupet e Facebook, pasi ke lidhur grupet e tua dhe ke instaluar aplikacionin mobil të Publer:

• Shko në Publer
• Zgjidh llogarinë e Grupit të Facebook ku dëshiron të ndash postimin
• Krijo postimin tënd. Mund të shtosh tekst, video, GIF, link apo foto

Kjo do të thotë që ke përfunduar hapin e parë të procesit të planifikimit me sistemin gjysmë-automatik. Kur të vijë momenti, do të marrësh një njoftim push nga aplikacioni i Publer, që të kujton se postimi yt është gati.

2. Për të përfunduar dhe publikuar postimin:

• Kliko në njoftimin që të vjen nga aplikacioni i Publer
• Do të shohësh pamjen paraprake të postimit
• Sigurohu që ke të instaluar aplikacionin e Facebook në telefon dhe pastaj kliko në Hape në Facebook

• Do të ridrejtohesh në aplikacionin e Facebook, ku do të mund të krijosh postimin: ngarko mediat, ngjit tekstin dhe publikojeni

3. Kur ridrejtohesh në aplikacionin e Facebook:

Në varësi të pajisjes që përdor, media apo teksti do të ngjitet në mënyra të ndryshme. Ja si ndryshon:

iOS

Kur klikoni Hape në Facebook:

• Shko te Menyja dhe zgjidh Grupet
• Zgjidh grupin e saktë dhe kliko "Shkruaj diçka..."
• Teksti duhet të ngjitet manualisht
• Media ruhet në galerinë e pajisjes dhe duhet të shtohet manualisht në postim

Android

Nëse postimi ka media (foto ose video) dhe klikon në Hape në Facebook:

• Do të hapet një dritare ku të kërkohet të zgjedhësh ku do ndash median. Zgjidh Grupi në Facebook, zgjidh grupin dhe mediat do të ngarkohen automatikisht
• Teksti duhet të ngjitet manualisht

Nëse postimi NUK ka media:

• Teksti (përfshirë linket) do të ngjitet automatikisht kur hapet aplikacioni i Facebook

Mbaj parasysh:

• Publer nuk mund të mbledhë statistika apo të sinkronizojë postimet për shkak të mungesës së një API zyrtare. Por mund t’i shikosh gjithmonë postimet që ke ndarë në Grupet e Facebook në seksionin Postimet > Të postuara
• Postimi mund të përmbajë një link, një video (maks. 20 minuta), një GIF apo një foto
• Nuk mund të përdorësh opsione si Vendndodhja, Fshi automatikisht apo Ndaj automatikisht, për shkak të kufizimeve të API-së
• Nëse poston përmes kredencialeve të Owner's API, vetëm pronari i llogarisë do të marrë njoftimin push në telefonin e tij

*Shkruar nga: Brikena Cani

Updated on: 15/07/2025