Krijues Përmbajtjeje

Tiranë, Shqipëri (Hibrid)
Kohë e plotë
€1,300–€2,000 / muaj

Po kërkojmë tre Krijues Përmbajtjeje kreativë që të bëhen fytyrat e Publer në mediat sociale.
Nëse je dikush që i pëlqen të jetë para kamerës, kënaqesh duke krijuar video tërheqëse dhe kupton çfarë i bën njerëzit të ndalojnë së scrolluari, do të donim të të njihnim.

Rreth Publer

Publer është një platformë gjithëpërfshirëse për menaxhimin e mediave sociale, e besuar nga mbi 500,000 përdorues në mbarë botën. E ndërtuar për krijues, biznese, agjenci dhe marketerë, ajo bashkon krijimin e përmbajtjes, planifikimin, bashkëpunimin, analitikën dhe publikimin në një vend të vetëm.

Rreth Rolit

Do të kthesh veçoritë e produktit, trendet e industrisë dhe njohuritë për mediat sociale në përmbajtje që edukon, argëton dhe frymëzon, duke u treguar njerëzve se si Publer e bën më të lehtë menaxhimin e mediave sociale.

Do të raportosh direkt te Drejtuesi i Marketingut dhe do të jesh përgjegjës për procesin e krijimit të përmbajtjes nga ideja deri te publikimi.

Çfarë Do të Bësh

Hulumto trendet, krijuesit dhe mundësitë për përmbajtje.
Gjenero ide kreative së bashku me ekipin e marketingut.
Kthe veçoritë dhe përditësimet e produktit në histori tërheqëse.
Shkruaj skenarë, filmo dhe montazho video të shkurtra dhe të gjata.
Publiko dhe optimizo përmbajtjen në platformat sociale.
Analizo performancën dhe përmirëso përmbajtjen e ardhshme bazuar në të dhëna.
Bashkëpuno me ekipet e marketingut, dizajnit dhe produktit.
Përfaqëso Publer në fushata, intervista dhe evente.
Menaxho dhe ndërvepro me komunitetin e Publer në Facebook, Instagram, Threads, LinkedIn, TikTok, X/Twitter, YouTube dhe Reddit.

Çfarë Kërkojmë

Anglisht të shkëlqyer në të folur dhe në të shkruar.
I/e qetë dhe i/e sigurt para kamerës.
Aftësi të forta filmimi dhe montazhi video.
Aftësi të shkëlqyera në rrëfim dhe në shkrimin e hook-eve.
Aftësi për të shpjeguar software dhe ide komplekse në mënyrë të thjeshtë dhe tërheqëse.
Kuptim se çfarë e bën përmbajtjen të performojë në platformat e mediave sociale.
Kreativ, i/e vetëmotivuar dhe gjithmonë në kërkim të ideve të reja.
I/e gatshëm të eksperimentosh, të mësosh nga analitika dhe të përshtatesh shpejt.
Ndjek trendet më të fundit të mediave sociale, marketingut, AI-së dhe teknologjisë.
I/e besueshëm, i/e organizuar dhe në gjendje të dorëzosh vazhdimisht punë cilësore në kohë.
Aftësi të forta komunikimi dhe bashkëpunimi.

Pse të Bashkohesh me Publer?

Bashkohu me një kompani globale SaaS të besuar nga mbi 500,000 përdorues në mbarë botën, duke shijuar kreativitetin dhe energjinë e një startup-i. Ne lëvizim shpejt, nxisim eksperimentimin dhe i japim ekipit tonë mundësinë të realizojë idetë dhe të mësojë vazhdimisht.

Si një nga Krijuesit tanë të Përmbajtjes, do të bëhesh një nga fytyrat e njohura të markës Publer, do të krijosh përmbajtje për një audiencë globale dhe do të ndërtosh një portofol të parë nga qindra mijëra përdorues në mbarë botën.

Çfarë Ofrojmë

Pagë bruto konkurruese prej €1,300–€2,000 / muaj, në varësi të përvojës, aftësive dhe portofolit tënd.
Bonuse bazuar në performancë pas gjashtë muajsh punësimi.
Buxhet mujor për aktivitete që lidhen me shëndetin fizik, pas gjashtë muajsh punësimi.
20 ditë pushimi të paguar dhe 14 festa kombëtare të paguara në vit
Orë pune fleksibël
Mundësi për të punuar si nga distanca ashtu edhe nga zyra jonë në Tiranë
Një laptop Apple Macbook Pro Retina që mund ta marrësh në shtëpi dhe ta përdorësh pas orarit të punës
Liri kreative për të eksperimentuar me ide dhe formate të reja.
Një ekip mbështetës që nxit bashkëpunimin dhe të mësuarit e vazhdueshëm.
Mundësi të qarta për rritje profesionale.
Akses falas në Publer Business Plan.